Tryggleik og personvern
Dataa høyrer kommunen til.
Eit FDV-system inneheld opplysningar om bygg, men òg om tilsette, leigetakarar og innmeldarar. Her er korleis SmartFDV handterer det.
Drift innanfor EØS
SmartFDV blir drifta på profesjonell skyinfrastruktur innanfor EØS. Behandlingsstader og underdatabehandlarar blir oppgjevne konkret i databehandlaravtalen, ikkje som ei generell formulering.
Innlogging og tilgangsstyring
Innlogginga skjer med kommunen sine eigne brukarar via EntraID eller ein annan OIDC-leverandør. Kommunen styrer sjølv kven som får tilgang, gjennom dei ordinære gruppemedlemskapa sine — og ein tilsett som sluttar, mistar tilgangen samtidig som resten av kontoane blir stengde.
Tilgangen inne i systemet er delt i tre lag:
- Rolle — kva modular brukaren når
- Tilgangsgruppe — kva bygg og eigedomar brukaren ser
- Tilgangsnivå — om brukaren kan lese, skrive eller administrere i den einskilde modulen
Ein reinhaldar ser sine bygg. Ein leverandør ser sine oppdrag. Ingen ser meir enn dei skal, og brei tilgang kostar ikkje ekstra i lisens.
Sporbarheit
Systemet fører logg over kven som har gjort kva og når. Oppslag på personopplysningar blir logga særskilt, slik at kommunen kan svare på innsynsførespurnader og undersøkje mistanke om urettmessig oppslag.
Full eksport frå dag éin
Full eksport av dataa til kommunen er tilgjengeleg frå første dag, ikkje som ei teneste som må kjøpast dersom avtalen ein gong skal avsluttast. Eksporten er avgrensa til systemadministrator.
Kvifor vi gjer det slik
Ein kunde som når som helst kan ta med seg dataa sine, blir verande kunde fordi løysinga er god nok — ikkje fordi det er for dyrt å kome seg ut.
Personvern
- Behandling av personopplysningar blir regulert i databehandlaravtale med kommunen
- Behandlingsføremål, kategoriar av opplysningar, lagringstid, underdatabehandlarar og sletterutinar blir skildra konkret i bilaga til avtalen
- Sletting og tilbakelevering ved avtaleslutt er avtalefesta
Styringssystem for informasjonstryggleik
JProfessionals har etablert styringssystem for informasjonstryggleik basert på ISO/IEC 27001 og NSM sine grunnprinsipp for IKT-tryggleik. Det er ikkje tredjepartssertifisert, og vi oppgjev det ikkje som om det var.
Overvaking og support
Overvaking og automatisk varsling går døgnkontinuerleg. Bemanna support er på kvardagar. Ved kritiske hendingar utanfor arbeidstid blir beredskap handtert etter fastsett rutine.
Vi lovar ikkje bemanna support døgnet rundt, fordi vi ikkje leverer det.
Universell utforming
SmartFDV blir utvikla etter WCAG. Tilgjenge er eit krav i utviklinga, ikkje ei etterarbeidsoppgåve.
Spørsmål?
Tryggleiks- og personverndokumentasjon blir gjerne oversend på førespurnad.